Lawngtlai District Level Committee on Pradhan Mantri Aadi Adarsh Gram Yojana (PMAAGY) chu an chairman, bawrhsap H Lalhmingthanga hoin Nilaini khan an thukhawm.
Lawngtlai DRDO project director Marilyn Rualzakhumthangi leh additional DC Abraham Beirazi Khithie, line deparment hrang hrang bakah, Lawngtlai Block tana PMAAGY implementing agency – Lawngtlai DPO (WCD) leh Sangau Block tana implementing agency – Sangau CDPO te an tel. 2023- 2024 kum kal mek atana hmalakna tur khaw thlan chhuah Village Development Committee (VDC) ten an khaw tana Village Development Plan (VDP) an thehluh an thlir ho a ni.
PMAAGY hi kum 2021 atang khan sawrkar laipui Ministry of Social Welfare & Tribal Affairs hnuaia kalpui a ni a. PMAAGY hnuaia selected village-te hian PMAAGY atang hian an khaw hmasawnna tur cheng nuai 20.38 zel an dawng dawn a ni.
PMAAGY hnuaiah hian Mizoram atangin khaw 344 thlan a ni a. Khaw 135 tan VDP hi thehluh a ni tawh a; khaw 209 tana VDP siam leh tura hriattirna pawh pek chhuah a ni tawh.
Tun tuma VDP thlir ho tak hi Lawngtlai district-a khaw 58 VDC ten 2023- 2024 atana VDP proposal an thehluh a ni a. Selected village zawng zawngah hian VDC din a ni. Implementing agency leh VDC te hian an khaw tana an mamawh an zirchian hnuah VDC atangin an khaw tana an mamawh nia an ngaihte proposal siamin, District Level Committee-ah thlir ho a ni a. Uluk taka sawi ho a nih hnuin kum 2023-2024 atana Lawngtlai District atanga PMAAGY hnuaia khaw thlan bik VDC-ten VDP proposal an siam chu pawm a ni.
PMAAGY bawhzui dan rel
