Police-ah post ruak 4480
Police department-ah post ruak 4480 a awm mek a, tunhnaiah mi 200 lak thar tum mek a ni.
Home minister K Sapdanga’n Assembly Session-ah hei hi a sawi a. Mizoram hmun hrang hranga police indaih lohna a nasa a, tuna an lak belh theih zat chin chu 200 hi niin, sawrkar dinhmun aizirin la lakbelh zel a ngai tih a sawi.
Police lak turah an san zawnga relaxation siam chu tunhma atangin mass recruitment neih a nihin an lo kalpui thin dan a ni a, tun tumah hian relaxation tih loh an tum deuh a, opposition lam telin MLA atangte pawhin relaxation siam loh chhan zawhna a lut nasa a, siam leh mai hi an ti leh ta tih a sawi a ni.
Police department office leh quarters pawh a tha lo a tam a, Session zawh hian an enkual anga, ngaihdam theih thlawt tawh loh, thawmthat ngai ang chi chu thawmthat dan ngaihtuah a ni dawn tih Home minister hian a sawi bawk.
Police-ah post ruak 4480
