Staff leh lirtheiah an kawl theih zat aia tam kawl police hotu zinga awmte chuan an dahkir kim tawh tih Home minister K Sapdanga chuan a sawi.
Assembly Session-a zawhna chhangin Home minister hian police officer-te entitlement hi Police Manual-ah chiang taka chiang taka ziahlan a ni lo a, officer-te mamawh anga thuam thin an ni tih a sawi. Police officer chawl tawh leh thawk mek zingah an kawl theih zat aia tam thawktu leh lirthei kawl an awm em, tih an inthlithlai a, February thla thlenga inchingfel tura hun an inpek laiin, tunah chuan an inchingfel kim tawh tih a sawi a ni.
Hetihlai hian tunhnaia Vairengte Police check gate-a pawisa lak chungchangah police officer pahnih suspend chu departmental enquiry lak mek a ni a, Mizoram atanga thlai phur, chhukthla lam hnen atanga pawisa an lo chawitir avanga hetianga hma lak ni ta a ni tih sawiin, an ni pahnih hi hetihlaia officer on duty an nih anga an chunga hma lak a ni tih a sawi.
Police hotuten dahkir kim
