Synod Information & Communication (Synfo) leh Central Kristian |halai Pawl (CK|P)-in Pathian fakna hla sa tur zawnna a buatsaih, Praise On 2024-a pathumna, Armed Veng tlangval Samuel Lalmuanchhana chuan a music video hmasa ber, ‘Ka fak tawh ang’ tih chu zanin hian a tichhuak dawn a, LPS leh Zonet lamah tihchhuah a ni dawn a, Pathianni zan atangin YouTube-ah en theihin an dah bawk ang.
‘Ka fak tawh ang’ tih hla hi Samuel-a phuah a ni a. Ringtuin a nuna harsatna hrang hrang a tawk chung pawha Isua hnung zui tlat tura a inhlanna hla a ni a, harsatna leh hrehawmna awm tawh lohna vanrama Pathian faka zai a thlakhlelhawmzia puanchhuahna a ni tel bawk.
A music hi Elvis Lalduatpuia (Vistea) siam niin hla thothang lam pawl a ni dawn a. T.Lalruatfela’n tingtang perhsakin, recording hi Dawngtea (Rock of Ages) niin, backing vocal-ah Esther Lalramthari’n a pui bawk. Video hi Praise On intihsiaknaa an telpui leh Top 5 zinga mi, P.Vanlalhriatpuia (Cheecha) direct a ni a, videographer hi Badampuia a ni thung.
Samuel-a hi a pa Z Lalthanzuala atanga zaia inhmang a ni a, hla lar leh mi dang tam takin an sak, ‘Jordan lui malin ka kai lo vang’ tih hla Mizo zinga sa lar chhuaktu pawh a pa hi a ni a, a pa hi October, 1991 atanga AIR artist niin B High grade a ni phak.
Praise On star Samuel-a debut music video tichhuak dawn
