He thu hi tunhnaia Burnley manager Vincent Kompany tawngkam niin, karliamta Inrinnia mualneitu Chelsea nen sihnih ve ve thuna an inhnehtawk tum khan defender Lorenz Assignon hnawhchhuah hringchhuaktu penalty thutlukna a sawisel duhthawh deuh avangin Kompany hi referee Darren England chuan red card hmangin a zilhhau a, inkhelh banah Manchester City captain hlui hian season kal laia Premier League inkhel ham dan (refereeing standard) sawisel zuiin, tha tawk loa a ngaih thu a auchhuahpui!
French right-back Assignon hnawhchhuah a nih leh tak hnu khan tun season-a game 30 an khelh tawhah Burnley player paruk ngawtin red card an hmu tling ta a, Premier League team-te zinga player hnawhchhuah ngai kawl hnem ber an ni!
An boss ber Kompany pawh a bang thei ta bik lo a; Inrinnia touchline atanga a team enkawl thei lo zawnga hnawhkian a nih hnu khan official-te chungah thupha chawi tho bawk mah se official-te chungchanga feedback pek a tim phah loh thu leh pawisa chawitir a nih chungchangah harsatna a neih loh thu sawi chungin, “Referee-te ngei ngei hnenah pawh tun season-a inkhel an ham dan (refereeing) that tawk lohzia ka hrilh hmiah mai.
“Ka sawi dan erawh a siamtha zawngin a ni thung a; an hna hautakzia hriatthiampui chungin hmaichhanah pawh ka sawi mai a, pressure hmachhawn pawh a sang na rawh a, VAR a lo tlazep tawh a, ngaihdan hrang hrang a awm a, official tam zawk tan an hna hi a awlsam lo,” a ti.
Burnley hi table mawngphah chung chiahah an thu mek a, point li laiin hmunhim an chuangkai pha lo mek.
Chelsea game-ah khan half-time hma lawka Chelsea leh Ukraine wnger Mykhailo Mudryk laka a foul avanga yellow card vawihnihna a hmuh hmangin Assignon kha hnawhchhuah a ni a, a French defender red card hmuh dana lungawi lo Belgium defender hlui Kompany chu mipui lama hnawhbo a ni chhunzawm ve leh ta a ni.
Burnley khan tum hnih si phur hmasa
‘Premier League inkhel ham dan \ha tawk lo’
