Sap lal King Charles III fapa, Prince Harry chu a nupui Meghan Markle leh a fate nen Britain atangin USA-ah an pem a, official-a lal chhungkua mawhphurhna a neih te a kalsan tih a puanna pawh kum thum a lo tling ve leh ta reng a, tunah chuan lal chhungkaw lam pawhin Harry-a’n ‘His Royal Highness’ tih title a neih thin chu an paih sak ve ta a, Royal Website-ah he title hi an delete ta.
Hetihrual hian Prince Harry hi 2018-a Meghan Markle nen an inneih khan an nupain Duke leh Duchess of Sussex title pek an ni a, he title hi chu lak sak an ni lo. Prince Harry te a nupui fanau te nen North America-a an pem khan lal chhungkaw lal chhungkaw lam chuan Royal Family-ah working member an nih tawh loh avangin His Royal Highness title hi an hman theih tawh loh thu an lo puang tawh a, tunah chuan Royal Website-ah he title hi an paih sak ta a ni.
Prince Harry-a ‘His Royal Highness’ title an paih sak
