Tunhma khan police zingah training laia thi an awm tawh Thin a; tunhnaiah pawh West Bengal inthlannaa duty laia thi an awm a, hetiang hi a awm zauh zauh tawh Thin niin a lang. Police leh uniform cadre te hi an hriselna a pawimawhin thuneitute hian an ngaih pawimawhpui a Tul hle.
Police, Excise, Home Guard leh Prison Guard te hi lak an nih hlimah training pek an ni tlangpui a, a hnuah pawh an hriselna leh thawhrimna vawng nung turin ‘Refresher Course’ te neihpui Thin an ni. Hei hi an hnathawhna atana thil pawimawh tak a ni.
Amaherawhchu, Prison Department kalphung erawh a danglam bik deuh niin a lang. Staff tam tak chu lak an nih hlimah training mumal nei lovin an thawk nghal mai Thin nia hriat a ni a, Department remchan hun hunah training atan an ko leh chauh Thin. Training mumal hmu lova pension ta mai pawh an awm niin a lang a. A Then chu kum 50-60 kai tawh, natna benvawn – zunthlum, thisen sang, leh cancer natna vei mekte pawh, thla thum chhung zet ‘Basic Training’ nei tura koh an ni leh lawi si Thin niin a lang a. Kum upa tawh leh pension hnai tawh, chhungkaw innghahna berte tan hetiang taksa sawizawi hautak tak hi a him lo a ni.
Zawhna lian tak awm ta chu: ‘Pension hlat tawh lo tan ‘Basic Training’ hi an hnathawhna atana thil pawimawh ber a ni chiah em?’ tih hi a ni.
Uniform Service lak tharte, lak thar an nih hlimchhawna training-tir lova, kum tam tak a vei hnua koh khawm leh chiam hi a fuh lo lai chu niin a lang. Kum 50 chung lam, natna khirh vei leh service kum 5 tling tawh lo te ‘Basic Training’ tura koh hi a kawnghmang tawh lo hle a; a ‘basic dan’ hi ‘a basic tawh lo’ hle a ni. Heng kum upa tawhte tan hi chuan an hnaa thiamna belhchhahna ‘Refresher’ tawi te a tawk viau tawhin a rinawm.
Department upa tak si, a staff te training a hun taka a pek theih loh chhan hi uluk taka zirchian a, ennawn a, siam That ngai lai siam That a Tul niin a lang. Uniform ha zawng zawngte himna hi ram himna a ni nghal tih hi kan hriat nawn leh a pawimawh khawp mai!
Prison Guard te Training Kalphung hi
