Private school principal-te zirtir
Aizawla private school principal-te chu school-a hriselna lam hawi hriat tur pawimawh zirtir an ni a, Thawhlehni khan tanin Ningani thleng a awh ang.
MSACS, SCERT leh UNICEF tangho buatsaih ‘school health module training’ hawnnaah SCERT director Caroline Zoramthangi chuan zirtirtu pangngai ni lo, principal-te ngei training-a an tel hian awmzia a nei bik tih a sawi a. UNICEF health specialist Dr Ashish Dadwal pawhin principal 70 zet an inkokhawm thei chu lawmawm a tih thu a sawi.
Private school principal-te hi National Health Mission-in school health module hmanga zirtirna a buatsaih danin training hi pek an ni a, module hmang hian zirtirtuten school naupangte chu hriselna leh himdamna chungchang an zirtir leh dawn a ni.
Training module-ah hian Adolescence Education Programme, life skills, value education, National Population Education Project leh taksa leh rilru sawizawina chi hrang hranga naupangte than lenna leh an nun a famkimna tura zirtirna a awm a ni.
Private school principal-te zirtir
