MST Motors chuan Tata SK 612 LPS Pro Fight-a tel zinga boxer tha ber hnenah lawm-man atan Ather Electric Scooter 3X a pe dawn.
Championship title sponsor Zothan Auto-works neitupa Zothan-tluanga chuan India rama electric scooter fak hlawh tak Ather lalutin MST Motors hmingin tun thla chhungin dealership a hawng dawn.
MST Motors hian boxer tha bera thlan hnenah Mizorama Rs. 1,60,000 – 1,70,000 vela zawrh chhuah tur electric scooter 3X a pe dawn a, Pro Fight Management Team nen inremna an siam fel.
D3 Business Enter-prise, GIG Motors, RS Traders leh North East Consultancy Services (NECS) ang bawkin championship sponsor zingah a tel nghal bawk ang.
Kum 2009 atanga vawi kua zet Pro Fight huaihawt tawhah boxer-te’n lawmman atan lirthei an la dawng ngai lo a, tuntum hi Pro Fight chanchina thil chhin-chhiahtlak tak leh boxer-te tana chanchin lawm-awm a ni.
Nikum khan a bitum zawng zawng knockout vekin flyweight-ah Ramthar Lunglei boxer Laldinsanga a champion a, KT Enterprise Best Boxer lawmman Pana-sonic washing machine a dawng.
Kum 20 mi Dinsanga hian weight hrang pahniha champion a tum a, fly kalsanin bantam-a tel turin application form a thehlut.
Nikumah vawinga champion tawh NT Lalbiakkima a tel lo ve thung a, tun tumah fly category-ah a chhuak dawn tih a sawichiang tawh a ni.
September ni 20 thleng weight hrang pangaa tel tur tan hun hawn a ni a, Thawhlehni zan dar 6 thlengin boxer 298-in application form an thehlut tawh a ni.
Pro Fight boxer \ha ber dawn tur electric scooter
