Monitoring Committee (MSPMC) chuan an vice chairman R Lalrinawma hoin Nilaini khan Kolasib district-a sawrkar hmalakna hrang hrang leh hmasawnna ruhrel thawh mek an enfiah.
MSPMC vice chairman chuan an kal chhan ber chu, tih dik lohna lai zawng tur ngar ngar ni loin, hna tha leh chak zawka thawh a nih theihnana hmalakna sawiho tur an ni tih a sawi a. Department hotute, engineer leh contractor-te chu an hnathawh kawnga an harsatna sawi tura chahin, sawrkara thlen ngai a awm pawhin a tul anga an thlensak tur thu a sawi. Chutihrualin, hna dik leh tlo, sanction a nih ang taka thawh chu an tihmakmawh a ni tih a sawi a ni.
SPMC Team hian Thingdawl Agriculture Farm tlawh hmasa berin, thawktute nen an hmalakna an sawiho a. Thingdawlah hian alu chi dahthatna tur ‘solar powered cold storage’ leh Seed Processing Unit an tlawh nghal.
Hemi hnu hian team hnihah inthenin Kolasib-a sawrkar hmunhma project hnathawh mek an tlawh zui a ni.
Khum 100 lenna District Hospital sak mek, District Jail thawmthat mek bakah Fast Track Court sak mek, Revenue staff quarters complex sak mek leh DIC flatted factory sak mek an tlawh a. Heng hmunah hian an hnathawh dan enfiahin department aiawh, contractor leh engineer-te nen an inkawm.
Project Monitoring Committee-in Kolasib district-a hnathawh endik
