Spanish state prosecutor (sorkar lam ukil timai ila) te chuan Nilaini kalta khan pop star Shakira chhiah awl ru a puhna chungchang court-in a tihtawp taw, chhui nawn leh rawtna awm chu tul tawh lo a an ngaih thu an sawi.
Shakira hi 2018 khan a chiah chawi tur euro maktaduai 6.7 (dollar maktaduai 7.2) awlru a puh niin, chhui a ni a, Shakira hi chuan engmah tihdik loh a nei lo niin tan a khawh ve thung a, a chhiah chawi tur ang zawng zawng chu a bikimin a chawi thlap niin a sawi ve thung.
State prosecutor-te hian he chiah awl rua inpuhna chungchang hi thar thawh leh an rawt tawh nain, tunah chuan, “evidence tha tawk a awm lo,” tiin he case kaihthawh leh hi tul tawh lo a an hriat thu an sawi leh thung a, tunah chuan he case hi a kal zel dawn nge an titawp dawn tih chu judge thuneihna a ni ta.
Case dangah nikum November khan Shakira hian prosecutor-te chu inremna neihpuiin, kum 2012-2014 inkara Spanish sorkar-a a chhiah chawi tur euro maktaduai 14.5 (dollar maktaduai 15.6 vel) chawi lo a puhna chu an lo chingfel tawh bawk a ni.
Shakira hi Gerard Pique nen an inthen hnuah Spain chuahsanin tunah chuan Miami-ah a khawsa tawh a ni.
Prosecutor lamin Shakira chhiah thubuai chhui nawn \ul ti lo
