Wrestlers Vinesh Phogat leh Bajrang Punia te chuan Nilaini khan Congress zawmin thla thara Haryana Assembly election neih turah an ding dawn tia sawi a ni a. Kum 30 a upa Phogat chuan Julana seat ah Jannayak Janta Party canddiate Amarjeet Dhanda khingin, kum 30 a upa tho Punia chuan Congress te luah mek Badli seat-ah a ding thung dawn tia sawi a ni.
Phogat leh Punia tena tuna ng huna Congress an zawmhian pawimawhna thuktak neiin inthlana chuhtura tihnghal niin chutihlaiin Congress te chuan Aam Aadmi Party te nen seat insem dan tura inbiakna an neih mek lai a ni bawk.
Haryana ah chuan Phogat leh Punia te hi lar takzet niin Congress an zawm hian a tichak phah hle tura ngaih niin chutihrualin AAP te nena inzawmna siam tumah Congress te a tihuai dawna ngaih a ni bawk.
Congress leh AAP te hi INDIA bloc a tel ve ve niin April-June Lok Sabha inthlanah kha chuan thawkho an ni a, mahse, state elction ah chuan thawhhona thuthlung ziak an ni lo thung. Chutihlaiin Rahul Gandhi chuan Centre mai nilo State inthlanah pawh INDIA bloc te chu inhlawmkhawm se duhin chu chu BJP te hneh an nih theih nana \ha zawkah a ngai tia sawi a ni.
Chuvang chuan Rahul Gandhi chuan Congress senior leader te chu Haryana inthlanah pawh AAP te nena thawhhodan zawnga vote insemdarh tur hum turin a ngen tia sawi a ni bawk a.
Inbiakna neih mekah Haryana Assembly seat 90 awmah AAP te chuan seat 10 a din an duh a, mahse, Congress te chuan seat sarih bak pek an duh lo tia sawi ni thungin, seat khat chu Samajwadi Party hnenah pek an remti tia sawi a ni bawk.
Inbiakna kalpui mek niin Congress aiawhin KC Venugopal leh AAP aiawhin Raghav Chadha te chuan inbiakna neiin an pahnih hain Rajya Sabha member an ni ve ve bawk.
Congress te chuan Vinesh Phogat leh Bajrang Punia te an lakluh avangin Hindi heartland state kum 2014 a\anga BJP tena rorelna an lekkawh tawhnaah an dinhmun a \hatphah ngei turah an gnai a.
Phogat phei chu Haryana farmer te nena inzawmna nei \ha niin Haryana loneitute chu tun thlengin MSP legal guarnatee phuta BJP te nena la inbakaih reng an ni bawk.
Karkalta pawh khan Phogat chuan Haryana-Delhi border a Shambhu a loneitute lungawilohna lantirna hmun tlawhin amah chu ‘in fanu’ tia sawiin Pathianin justice a pek ngei theih nan che u ka \awng\ai tiin a sawi nghe nghe a.
“Lungawilohna inlantirin ni 200 a pekl tawh a. Justice in hmuh ngei theih nan Pathian hnenah ka \awng\ai a ni. In fanu hian a thlawp tlat che u a, sorkar pawh ka ngen bawk a. India khua leh tui te kan ni a, kan lungawilohna lantirna tin hi politics thil a ni vek lova, sorkar hian a ngaithla tur che u ani” tiin a sawi.
Phogat leh Punia te hian nikum khan boruak siam hatin wrestling body chief hlui Brij Bhushan, sexual assault leh intimidation wrestler te laka kalpui nasa tiin an aupui a ni.
Khavang khan BJP MP \um thum lai ni tawh Brij Bhushan chu Lok Sabha inthlanah BJP te chuan an dintir ngam lo va Uttar Pradesh a Kaiserganj Lok Sabha seat ah a fapa Karan Bhusahn Sing chu dintir zawkin a chak nghe nghe a ni.
Punia leh Phogat ten Congress zawm
