Punjab-a Mizo nula bo thiin chhar a ni

Punjab-a biotechnology-a doctor of philosphy ti mek, October 28 atanga a chin hriat loh Mission Veng nula chu November 2 zan khan a ruang hmuh a ni.
Thudawn danin, Thapar University (Thapar Institute of Engineering and Technology) Patiala Punjab-a biotechnology-a doctor of philosphy ti mek Lalnunthiangi (33) c/o TT Zothansanga, Mission Veng chu October 28 khan a thiante nen an chhuak a, hemi zana a chhungte nen phone-a an inbiak chu a chin an hriat hnuhnung ber a ni.
October 29 khan lui bulah a bag, identity card leh thawmhnaw thenkhat chu canal bulah hmuh a ni a, Patiala police-ten chhui zui zelin November 2 zan dar 11.00 vel khan Lalnunthiangi ruang hi canal-ah hian hmuh a ni a. A chhuahpui nia hriat midang ruang pawh hmuh niin, police ten an chhuizui mek a ni.