Punjab police te chuan damdawi hmanga sumdawng, Pakistan a thurualpui nei pakhat chu operation an neihnaah an man.
An sawi danin, Pathankot Counter Intelligence leh Gurdaspur police te chuan joint operation an nei a, Pakistan lama atanga lakluh heroin kg 1 leh gram 350 chu mi pakhat hnen atangin an man a ni.
DGP Gaurav Yadav chuan, ‘he operation hi kan nei lovang tih a hlauhawm hle a, kan ram thalaite runtu damdawi hmansual theih tak hetiang zat man a ni hi a lawmawm a, man loh engzah tak awm ang maw?’ a ti chhuak hial.
He thil avang hian mi pakhat man niin, thubuai siamsak a ni a, ani hnen atang hian Pakistan lam atanga lo tawlh thintu pawh hriat dan kawng an dap tur thu Yadav chuan a sawi.
An mi man hi fimkhur thilah leh hnuchhui zuina kawnga la fimkhur nan a hming an tarlang rih lo a, a lakah hian FIR thehluh niin, heti lama inhnamhnawihte chhui hna an thawk chhunzawm nghal a ni.
Punjab in damdawi hmanga sumdawng man
