Thlai rah lian danglam tak tak thar thiam tak, Gloucestershire, UK-a cheng Graham Barratt chuan a thiam thil a entir leh ta a, Guinness World Record siam thei khawpa lian purunvar a thar a, a purunvar thar hi kg 1.75 a rit a ni.
Purunvar kg khat te chu kan lei fo ang a, a tam thei khawp mai a, mahse, Graham-a putunvar thar hi chu bul khat chauh kg 1.75 a rit a ni a, a laia hawlhtlangin (diameter) 19cm (inches 7.5) a lian a ni bawk. He purunvar hi dawra kan lei thin purunvarho ai hian a let 35 vela lian a ni.
Hetiang purunvar hi purunvar lian chi elephant garlic (A. ampeloprasum) a ni a, purunvar satliah aia lian tur chi chu a ni hrim hrim a, chutihrualin hetiang purunvarah rau rau pawh a lian bik hle tho a ni.
Graham chuan hetiang purunvar lian chi hi kum 10 chuang a lo ching tawh a, a kum telin a purunvar thar chu a lian telh telh a, tunah chuan record siam theihna khawpa lian a thar ta a ni. Tuna a record siamna purunvar hi September 2025-a a chin niin, “37 ka ching a, enkawl dan chidang vekin ka enkawl a. A seng hun hma chuan engmah a hriat lawk tak tak bik lo a, June thla khan ka seng ta, ka an cho chhuak chu hmuhnawm tham ve tak a ni,” a ti.
Purunvar lian ber an thar
