Putin-a’n North Korean foreign minister mikhual
Moscow chuan thawhtanni khan thuchhuah siamin, Russian president Vladimir Putin leh North Korean foreign minister Choe Sun Hui te chu Kremlin-ah an inhmuh thu a sawi.
An inkawmna chungchang hi puanzar thui chiah a ni lo nain, Ukraine nena an indona chungchangah Pyongyang lam atanga sipai hmanga puihna chungchang an sawi dun ngei rin a ni.
Choe hian Putin-a hnenah hian Ukraine nena an indonaah chuan hnehna chang ngei tura North Korea in a duh thu a sawi thar leh a, Putin chuan North Korea rinawmna chuan a tiphur thar hle niin a sawi.
Kremlin-ah hian North Korean leader Kim Jong Un-a duhsakna thu chu Choe hian tawnglettute hmangin Putin-a hnenah hian a sawi nia tarlan niin, a tul chuan sipai lam thlenga thawn leh a inhuam thu thlenga a palai chu tir a nih thu a sawi niin tarlan a ni bawk.
Ukraine chuan tunhnai khan khawthlang ramte chu Russia in North Korea atanga puihna nasa zawk a dawn hma ngeia chet thawh ve turin a lo ngen tawh a, tun tuma North Korea hruaitu lawkin Russia a pan leh kher bawk nen hian ram pahnihte inkar hi a khi zau lehzual ngeiin a rinawm a ni.
Putin-a’n North Korean foreign minister mikhual
