PWD, PHE leh P&E engineer in chief theuhte chu Thawhlehni khan Congress treasurer Dr Lalmalsawma Nghaka chuan an office-ah hmu in Aizawl South-II bial mamawh hrang hrang a thlen.
Heng department hotute hnenah hian an hmalakna avanga mipui nihlawhna leh hmasawnna kawng hrang hrang hmuh theiha awm chu lawmawm a tih thu sawiin, Aizawl South-II huamchhunga hmasawnna chu mitin tan chhawrnaawm a ni tih a sawi a. He bial chhunga hmasawnna hmuh leh hriat tur awm chu department tinten nasa taka tan an lakna leh an thawhrimna vang a ni, tiin, kuminah kum dang aiin ruahtui a tlak tlem avangin ruahtui ringa innghat chhungkaw tam takin tui lama harsatna an tawh an hlauthawng a. Chuvangin Kristiante hunpui lo thleng turah mipuiin harsatna an tawh lohnan ruahmanna fel zawk siamlawk sak theih a nih dante a thlen a ni.
Veng chhung inkawl pawhna kawngah pawh hmasawnna tam tak hmuh tur a awm rualin, hmanhmawh zawka thawmthat leh cheithat ngai erawh tih thuai ni thei se a duhawm hle tih a thlen a. Kristiante hunpui Krismas huna mipuiin an hnathawhna kawnga power supply lama harsatna an tawh lohnan ruahmanna siam dan tur a thlen bawk.
PWD, PHE leh P&E hotute hnenah bial mamawh thlen
