Mizo Zirlai Pawl (MZP) buatsaih Inter High School Quiz 2023 ah St Paul’s Higher Secondary School chu pakhatna an ni.
Final-ah hian sikul pathum – St Joseph HSS, St Pauls HSS leh CLS Academy ten inelna an hmachhawn a. St Pauls HSS atangin Malsawmkima leh Vanlalmuanpuii, St Joseph HSS atangin Vanlalenkawli leh H Lalsangpuia, CLS Academy atangin Lalawmawii Ralte leh Lalrinruali Ralte te an ni.
St Paul’s HSS hi pakhatna niin sumfai Rs. 30000, pahnihna St Joseph HSS-in Rs. 20000 leh pathumna CLS Academy-in Rs. 10000 an dawng a, thuziak leh trophy an dawng theuh bawk.
MZP Inter High School Quiz hi kum 2010 atanga tan tawh niin, kumin hian sikul 13 an tel a ni.
Quiz final hmanpuitu MLA Lalmuanpuia Punte chuan Mizo zirlaiten hnamdang el pha tura tan lak a ngaih thu leh MZP chuan hnamdang pasal nei lo tura inzirtirna nasa taka kalpuiin Mizo hmeichhiate hnamdang pasal neilo tura a duh thu a sawi.
Zirlaite chu IAS kan tling kher lo a nih pawhin, central service tam takah inziahluh kan inzirtir a ngai tih a sawi a. MZP chuan Mizo hnam inpumkhatna a buaipui char char a, Duhlian tawng hmang lo pawh Mizo vek kan ni, tiin, Duhlian tawng chauh chu Mizo tawng a nih loh thu leh tumah inenhrang thei kan nih loh thu a sawi a ni.
Quiz-ah St Paul’s HSS pakhatna
