District AIDS Prevention and Control Committee (DAPCC) Aizawl leh Mizoram State AIDS Control Society (MSACS) tangdun huaihawtin District Level Red Ribbon School quiz intihsiak neih a ni a. Presbyterian English School (PES) Republic Veng pakhatna an ni.
Red Ribbon quiz intihsiak hi sawrkar laipuia Ministry of Health & Family Welfare hnuaia division pakhat, National AIDS Control Organisation ruahmannaa siam a ni a. School, district level, state level leh regional level-a intihsiak niin, ram pum huap intihsiak, national level thleng neih a ni dawn.
Aizawl district-a intihsiakah hian school 10 atangin mi pahnih theuh an tel a. Pakhatna PES Republic Veng hian Rs. 5000 dawngin, 2-na Govt. Mizo Higher Secondary School-in Rs. 4000, 3-na Rosebud School Ramhlun-in Rs. 2000 an dawng. Govt. Zemabawk HSS chu consolation prize Rs. 2000 pek an ni.
State Level Red Ribbon quiz intihsiak hi tun thla, September chhung veka neih tum a ni.
Quiz intihsiakah PES pakhatna
