R-Day pualin department
thawhkhawmin pui dawn
Kumin Republic Day pualin Siaha district-a sawrkar department hrang hrang sum thawhkhawmin infiamna lama intihsiak bakah jail leh home puih an ni dawn.
Nilaini khan Siaha-a Republic Day 2025 lawm dan tur leh a kaihhnawih rel ho a ni a. Pathianni a nih angin zing dar 7.30 ah hman tum a ni niin, khuallianah district bawrhsap a ni ang. Chhun dar 12-ah Circuit House-ah ‘At Home’ buatsaih tum a ni.
Republic Day hmanna tur pual hian sawrkar department hrang hrangin sum an thawhkhawm a. Heng an thawhkhawm hmang hian volleyball leh badminton tournament buatsaih a nih bakah District Jail, District Hospital, Maraland Gospel Centenary Hospital, Grace Children’s Home, Siaha Child Adoption Centre, Salvation Boys Home, Observation Home, Calvary Healing Home, Agape Home, Charity Home Saikao leh Mary Heichia School Zyhno ah thilpek hlan tum a ni.
Republic Day lawmna turah hian parade contingent 20 an awm dawn a, school contingent 14, unarmed contingent 4 leh armed contingent 2 an ni ang.
R-Day pualin department thawhkhawmin pui dawn
