Congress leader Rahul Gandhi chuan Pathianni khan ni thum cham turin US a lut a, India leh America-in inzawmna tha zawk an neih theih nan sawihona pawimawh tak tak neihah a tel dawn a ni.
Congress MP leh Lok Sabha-a Leader of Opposition Rahul Gandhi chu Sam Pitroda, Chairman of Indian Overseas Congress leh Indian diaspora member chuan a lo hmuak a ni.
“Dallas, Texas, USA a Indian Diaspora leh Indian Overseas Congress Congress ten min lo lawmnaah ka lawm hle a ni” tiin Rahul Gandhi chuan Facebook post a siamah a tarlang a.
Gandhi chuan ram pahnih tena inlaichinna tha zawk an neih theihna tura sawihona awmze neia a tel tur thu a nghahhlelh tawh thu sawi bawkin, “Tun tum ka zinnaah hian ram pahnih tena inlaichinna tha zawk kan neih zel theihna tura sawihona pawimawh kan neih tur ka nghakhlel tawh takzet a ni,” tiin a sawi.
X-a post siamah pawh Congress party te chuan Gandhi chu Dallas Forth Worth International Airport ah lawm taka lo hmuah a nih thu an tarlang bawk.
Indian Overseas Congress chairperson Sam Pitroda chuan kar kalta khan Opposition leader chu official capacity-a US-a zin a ni lo tia sawiin chu ai chuan Capitol Hill-a mi chi hrang hrangte nena inkawmna mimal anga neih duha kal zawk a ni tiin a sawi.
August 31 khan Sam Pitroda chuan Rahul Gandhi chuan Lok Sabha-a Leader of Opposition a nih hnuah a tum khat nan US a tlawh dawn tiin a lo puang tawh bawk a.
“Rahul Gandhi leader of opposition a nih hnuah, ram 32 aiawh Indian Overseas Congress chairman ka nihna angin Indian diaspora diplomats, academicicans, businessmen, leaders, international media te chuan Rahul Gandhi nena inkawmhona neih an duh zia min hrilh chamchi a ni,” tiin Pitroda chuan a sawi a.
“Gandhi chuan national press club ah press mite a kawm ang a, think tank people te nena inkawmna neiin Washington DC a pawimawh em em Georgetown University-ah inkawmhona a neihpui bawk ang” tiin Pitroda chuan a sawi bawk.
September 8-10 inkara US a cham chhungin Congress leader chuan Washington DC leh Dallas, University of Georgetown leh University of Texas te pawh telin inkawmhona tum tam tak a neihpui dawn a ni.
“September 8-ah Dallas-ah a awm ang a, September 9-ah Washington a pan ang a. Dallas-ah hian University of Texas zirlai te, academicains leh community mite nena inkawmhona an nei ang a. Community punkhawm lian tak awm dawnin chutah chuan technocrats te pawh hmuin Dallas area leader te nen zanriah kilho a ni bawk ang,” tiin Pitroda chuan a sawi bawk.
Kum 2024 Lok Sabha inthlana Congress te chetthat chhan berah Rahul Gandhi chuan fak hlawh hle in, boruak tha siam leh mipui ten public interest thila a thlir dan an thlawp a nasa zual hle tia sawi a ni a. Hei vang hian political watchers te chuan tuna US a tlawh pawh hi an ngaihven phah zual hle a ni.
Rahul Gandhi hian kumina Lok Sabha inthlanah Rae Bareli leh Wayanad ah chakna chang ve vein Wayanad chu thlang zawkin Rae bareli chu a unaunu Priyanka Gandhi chanah a dah zui ta zawk a ni.
Kumin June thla khan Lok Sabha ah Congress Working Committee (CWC) remtihna alak hnuah Leader of Opposition (LoP) dinhmun a chelh zui bawk.
Rahul-a’n US lut, lawm hlawh hle
