Rajasthan assembly by-election hun puang
Election Commission of India (ECI) chuan Rajasthan a assembly by-election neihna tur constituency pasarihte inthlan hun atan November ni 13 a ruat a, November ni 23 ah vote chhiar a nih dawn thu a sawi.
Rajasthan by-election neihna turte hi constituency pasarih niin, Jhunjhunu, Ramgarh (Alwar), Dausa, Deoli-Uniara (Tonk), Khinvsar (Nagaur), Salumber (Udaipur) leh Chorasi (Dungarpur) constituency ah te inthlan that hi an nei ang.
Inthlan hun puan a nih tak avang hian model code of conduct chu heng constituency pasarihah te hian hman nghal a ni a, Rajasthan chief electoral officer (CEO) Naveen Mahajan chuan political party zawng zawng leh sorkar mi pawimawhte chu inthlanna thianghlim, dik leh felfai a awm theih nana thawhhopuiah a sawm nghal.
By-election neihna tur constituency pasarih huamchhungah voters nuai 19.36 awmin, polling station 1,862 leh ven uluk ngai bik 53 a awm thu CEO chuan a sawi bawk.
Rajasthan assembly by-election hun puang
