Border Security Force-a tang mek Mizo sipai chu Pakistan ramri bula an duty-naah ral kutah a thi.
Thudawn danin, Jammu & Kashmir-a India leh Pakistan inrina, ramri bula duty 148 Bn. BSF head constable Lalfamkima (50) Durtlang North chu November 8 zan dar 12 vel khan, an duty hun tawp, anmahni thlaktu turte nen an in then dawn, duty post an chhuahsan laiin Paksitan lam atanga sniper silaimu a tawngfuh a, damdawi in panpui nghal ni mahse, Ningani zing dar 4.30 vel khan a hliam tuar loin a thi a ni.
A ruang hi vawiin – November 10 hian Aizawl thlenpui hman tum a ni a. A nupui F Lalzarliani leh a fate pathum a kalsan a ni.
Ral kutah sipai thi
