Ralngama leh Tlangkhama hlate zir
Ningani nkhan Mizo Academy of Letters (MAL) leh YMA NE Khawdungsei Branch te’n NE Khawdungsei YMA Hall-ah Ralngama leh Tangkhama hlate zirna hun an buaitsaih a, Dr L Thangmawia, MLA-in hun a hmanpui.
MAL president Prof RL Thanmawia kaihhruaia hun hmanah khuallian chuan thu sawiin Ralngama leh Tlangkhama te pianna khuaah an kutchhuak zirna hun hman a ni chu lawmawm a tih a sawi.
Thu leh hla hi khawvel thiamna sang zelah hian ngaihthah theih a nih loh ziate, mihringte min phuar khawmtu leh min fuihtu, beidawnna leh manganna ruama kan awm lai pawha min hnemtu leh min fuih thartu a nih avangin kan ngaihhlut deuh deuh tul a tih thute a sawi.
Thu leh hla ziaktute chu mi tlawm te, an hunlaia mite ngaihsan ni lo mah se an thu leh hlate erawhin an hlutzia an tilang deuh deuh dawn a ni tiin a sawi.
He seminar-ah hian Dr H Laldinmawia, Dr Lalthasanga, Dr Lalhlimpuii, Dr Thanghmingliana te’n paper an buatsaih a ni.
Ralngama leh Tlangkhama hlate zir
