Raltlan tan Salvation Army chechhuak
Tunhnaia Myanmar ramria inkahna thleng avanga sahimna zawnga India ram beltu, Champhai district Zokhawthar, Saikhumphai leh Vaphaia raltlante tan Ningani khan Emergency Relief & Disaster Services Salvation Army India Eastern Territory (IET) chuan chhawmdawlna thilpek hrang hrang a hlan.
Salvation Army IET team hi Zokhawtharah cabinet secretary for Programme Administration Col Lalliankunga hoin an kal a, Zokhawthar YMA kutah an hlan. Vaphai leh Saikhumphai tana pek tur hi Social & Emergency secretary Major Lalhmingthanga hoin an kal thung a, Vaphai YMA kutah an hlan.
Heng hmun hnihah hian raltlante tan buhfai quintal 10, dal quintal 8, tel case 15 leh chi quintal 1.5 ve ve in an sem a; sahbawn, sanitary pad, toothbrush leh tooth paste-te mimal hnenah an sem chhuak nghal bawk.
Raltlan tan Salvation Army chechhuak
