Raltlan thar awm zel

Tun hnaiah Zokhawtharah Myanmar aTangin raltlan lut thar an awm a, chawlhkar hnih chuang chu lut thar hi ni tin an awm.
Tun hnaia lut thar hi kar hmasa lamah khan mi sang chuang an ni tawh. A hma angin a sang rual emaw a za rual emawin lut lo mah se ni tinin a thar an awm a ni.
Champhai district-a Zokhawthar hi Myanmar nena indep khua an ni a, an piah chiah Khawmawi nen |iau-in a daidang. Khawmawi hi Myanmar lam a ni a, Khawmawi leh a chhehvel aTang hian tun hnaiah raltlan lut thar an awm deuh reng a ni.
Khawmawi leh a chhehvel hi sipai sorkar kut aTangin Hualngoram People’s Organisation (HPO) te’n lain an awp mek a, sipai sorkar hian lak let tumin thapui a thawh dawna hriat a nih avangin lo tlanchhe lawk an awm a ni.
Zokhawthar YMA hruaitute chuan raltlan tharte hi dam lo leh kum upate an ni nawk tih an sawi a, Zokhawtharah hian chhungte bel an awm a, in luah an awm bawk tih an sawi.
Tun hnaiah sipai sorkarin anmahni dotute laka an hloh tawh Falam an la let a, Falam aTang hian |iau lam panin Hualngoram hi lak an tum tura ngaih a nih avangin, raltlan an awm ta a ni.
Amaherawhchu, Falam hi an la na a, a chhehvel khua chu anmahni dodaltute’n thuhnuaiah an la awm a, sipai sorkar hian Falam velah hian hma an sawn zui rih lo tih thu dawn a ni.
Myanmar-ah hian 2021 February ni 1-ah sipaiin sorkarna an pawng lak a, mahse mipui lamin nasa takin an dodal zui nghal. Hmun hrang hrangah mipuite hian sipai an din a, mipui sipaite chuan hmun engemaw zat chu sipai sorkar kut aTangin an la a ni. Khawmawi leh a chhehvel pawh hi HPO hian 2023 November ni 13-ah an awp Tan. Sipai sorkar hian tun hnaiah an ram chante lak let tumin hmun hrang hrangah thapui a thawh a ni.
2021 February ni 1-a sipaiin Myanmar an awp hnuah Myanmar aTangin Mizoramah mi engemaw zat an raltlan a, Mizoram Police te’n an chhinchhiahna thar ber, kumin April ni 7-a mi-ah chuan Myanmar aTanga raltlan Mizorama awm mek hi mi 24610 an ni. Zokhawtharah hian tuna lut tharte hma hian mi 6200 vel an awm sa.