Manipur buaina avanga sahimna zawnga Mizorama tlanlut zinga zirlaite chu state sawrkarin a lo ruahman tawh angin, an zirna an chhunzawm a, tanpui an ngaihnaa lo tanpui turin adhoc aided school zirtirtute an inchah.
Mizoram Govt. Adhoc Aided School Teachers Union (MIGASTU) thuchhuak chuan, tunhnaia Mizoram chhehvela tualchhung buaina avanga chhungkaw tam takin sahimna zawnga Mizoram an rawn bel leh, chu’ng chhungkaw tam tak zinga zirlai rilru thianghlim tak leh pawisawi lo sangtelin an zirna chhunzawm thei loa harsatna an tawk tih an hriatin an lainat takzet tih a sawi.
Chutianga mahni in lum chhuahsan a, Mizorama rawn raltlan zirlaiten an zirna an chhunzawm theih dan kawng ngaihtuaha Mizoram sawrkarin a lo tuamhlawm dan an ngaihtuahin ropui an tih thu leh, a bikin School Education minister Pu Lalchhandama Ralte leh Education department-a official-te hmalakna chhuanawm a tih thu a sawi.a ni.
MIGASTU member-te awmna school, Zoram kiltina amite pawhin Education minister ruahmanna anga, raltlan zirlaite ah engmah harsatna siam loa, an zirna chhunzawm theihna’n a lo tuamhlawmtu zinga an tel ve thei chu an lawm tih sawiin, Zoram hmun hrang hranga kan members school-te, hemi kawngah hian a theih ang kawng kawnga harsatna tawkte chhawmdawl zawnga ngaihtuahna senga beng chhi zui zel turin an inngen tih a sawi.
‘Ramin zirna tha leh awmze nei zawk a buatsaih meknaah leh, mithiam hmantlak zawk chherchhuak tura tan a lakna kawngah, MIGASTU members school-a thawkte chuan theihtawp chhuahin sawrkar kan thlawp tlat zel dawn a ni,’ thuchhuah chan a ti.
Raltlan zirlai chhawmdawl turin inchah
