Myanmar raltlante enkawl kawngah sawrkar laipuiin sum leh paiin a pui reng a, a thilphal viau tih chief minister Lalduhoma chuan a sawi.
Assembly Session-a zawhna chhangin chief minister chuan sawrkar laipuia Home ministry-in nikum April velah biometric identification hi Myanmar leh Bangladesh raltlante ah ti turin a ti a. Hetihlaia sawrkar khan ihe loa zawmin, training pek bakah nodal officer-te ruat an ni a. Engemawchen an kal hnu ah official lamin inthlan a hnai a, buaipui a harsa dawn a, engemaw thil fel lo te pawh awm dawna an hlauhthawnna avangin Home department atangin cabinet ngaihtuah turin an chhawp a, cabinet hian ti rih lo turin a ti ta tih a sawi a ni. Tuna sawrkar pawhin tih an tum lo tih Union Home minister hnenah a hrilh tawh tih a sawi bawk.
Raltlante chu theih ang tawkin state sawrkarin a enkawl zui zel. Sawrkar hmasa hunlaiin centre-in cheng vaibelchhe 3 a rawn pe a, tunah Prime minister leh Home minister-in an harsatna tawh hi hriatpuiin, sum leh paiah an tanpui mek reng tih a sawi.
Raltlante enkawlna turah sawrkar laipui a thilphal – Chief minister
