Mizo Students Union-in Mizorama damdawi in hmun hrang hrang leh raltlante tanpuina tur, USA atanga ‘Project Mizoram’ hminga an chah chu Kolkata ah lawng hmangin a rawn thleng a, a lam turin MSU Gen. Hqrs. hruaitute leh Myanmar Refugee Relief Committee hruaitute an kal.
Project Mizoram buaipuinaah hian Myanmar Refugee Relief Committee, Bangladesh Refugee Relief Committee, R2P Myanmar Way, Arizona Falam Baptist Church leh Chin Health Organisation te an tel a. United States of America atanga rawn thawnna hi Project CURE lamin mawh an la a. Kolkata atanga Mizorama phurhluh leh semchhuah lamah Mizoram sawrkar tanpuina in MSU-in mawh a la thung.
A thawhkhatna hi 2022 July khan Mizoram hmun hrang hrangah sem tawh niin, a thawhhnihnaah hian wheat atanga siam buhfai ‘Mana Pack’ khung tel a ni. Project Mizoram thawhhnihna rual hian Mizorama damdawi in thlan bik parukah damlo enkawlna tur khawl leh bungrua tam zawk pek theihna tur package a tel a ni.
Project Mizoram container bungrua hlut zawng hi US dollar 420000 man hu a ni a, Mana Pack nen hian India pawisa in cheng 400,90,000 hu vel a ni. Heng bungrua hi Mizoram chhung leh ram pawn lama a mamawhtute hnenah a thlawna sem tur a ni.
Raltlante leh damdawi ina pek tur bungrua dawng
