Boruak bawlhhlawh (air pollution) chungchang hi kar tin, thla tin, kumtin teh reng a ni a. Aizawl khawpui chu Mizoram khawpuiah a bawlhhlawh chho chak ber lo thei loa, chutah pawh chuan Bawngkawn chhehvel chu bawlhhlawh chak ber a ni.
Bangladesh atanga Mizorama tlanchhia mi thenkhat chu chawlhkar khat dawn an awm hnuah Mizoram atanga chhuahtir an ni a, Myanmar lam pantir an ni.
Thu dawn danin, January ni 11 khan Bangladesh atanga Mizorama raltlan mi 28 vel chu Assam Rifles te’n Mizoram atangin an chhuahtir a, Myanmar lam an pan.
Raltlante hi kar hmasa tir lama Mizorama lut an ni a, Tuithumhnar, Lawngtlai district-a awm Assam Rifles te’n manin an camp-ah an kawl a, chumi hnuah Myanmar pana chhuahtir an ni tih thu dawn a ni.
Assam Rifles te hian an camp-a an kawl hnuah Zirtawpni khan an chhuahtir a, Tuithumhnar-ah hian awm zui tura ngaih niin, khawtlang hruaitute pawh a zan lamah an awmna tur ngaihtuahin an thukhawm a, mahse a tukah hruai khawm lehin Myanmar lam pantir an ni tiin thu dawn a ni.
Inrinni-a Tuithumhnar-a hruai khawm an nih hian Assam Rifles te bakah police te pawh an awm ve tih thu dawn a ni.
Thu dawn danin, hruai khawm an nih hian Zorinpui panpui an ni a, heta tanga Myanmar pantir tum mah se Arakan Army te’n an lo phal lo a, Kakichhuah panpui lehin, zan dar 6 velah Myanmar pana chhuahtir an ni ta a ni.
Myanmar-ah hian Zo hnahthlak khua Samang an pan a rinawm tih thu dawn a ni a, eitur pawh nei lova kal an ni a, an zingah naupang an awm nual tih thu dawn a ni bawk.
Raltlante Mizoram atangin chhuahtir
