African Swine Fever (ASF) laka Aizawl district mipui an him a, an fimkhur nan leh hri leng zel tur ven nan vawk chungchangah Aizawl district magistrate chuan inkhuahkhirhna thupek a chhuah.
He thupek ang chuan, Aizawl district chhungah ram dang (foreign) atanga vawk, vawksa leh vawksa atanga siam eitur chi reng reng lakluh khap a ni a. State dang leh district dang atangin vawk, vawksa leh vawksa atanga siam eitur lakluh khap a ni bawk.
Aizawl district-a khua leh khua emaw veng leh veng emawa vawk inlakpawh tawn tur reng rengin vawk hrisel tha chauh lak tur a ni tih a sawi a. ‘Infected area’ a puante atangin vawk lakluh leh lakchhuah khap a ni.
Vawk damlo talh leh hralh khap a ni a. Vawk damlo chu dah hrang thuai turin a ti. Vawk thi reng reng, bawlhhlawh paihna hmunah leh luikawr remchangah paih lo tura tiin, thuk taka phum turin a ti. Vawk in leh a vel pawh disinfect hmanga kap turin a ti bawk.
Vawk damlo leh thi an awmin AH & Vety department official-te hriattir thuai turin a ti a ni.
He thupek hi tih danglam a nih loh chuan thla hnih chhung a huam dawn a, thupek zawm lo te chu Section 223 BNS dan hmanga hrem an ni dawn tih a sawi.
Ram dang atanga vawk lak khap
