Ram hruaitu lawk pahnihin mipuite chibai buk
Prime Minister Narendra Modi leh Spanish hotu lawk Pedro Sanchez te chuan thawhtanni zing khan Gujarat a Vadodara khawpuiah lirtheia chuang chungin mipuite chibai an buk.
An pahnih hian jeep hnungah chuang dunin, kawngsir tawn tawna anmahni lo lawmtu mipuite chu chibai an buk hlawm a, airport atanga chuang dunin Tata aircraft complex hawnna tur thleng, km 2 leh a chanve a thui mipuite chibai buk pahin an jeep hnungah hian an chuang dun a ni.
Modi leh Sanchez te hi Tata hmunpui lam pana kal dunin, India mithiam hrang hrangten an lo hmuak bawk.
Nimin tuk hian hruaitu lawk pahnihte hian Tata Advanced Systems facility an hawng dun a, hemi hnu hian Laxmi Vilas Palace hmun hluiah inkawmna an nei zui a ni.
Inremna an siam ang chuan Vadodara ah hian thlawhtheihna 40 vel siam a ni dawn a, Tata Advances Systems chuan India ramah heng thlawhtheihna 40 siam hna hi an thawk ang.
Ram hruaitu lawk pahnihin mipuite chibai buk
