Tunhnaia Champhai district chhunga dan zawm lova lo hala ram tikangtu nia puh mi parukte lakah Champhai district level fire prevention committee chuan Champhai Police Station-ah FIR a thehlut a. Ram tihkan zingah hian ‘Wildlife Rescue Centre siamna tur hmunhma plantation tin 7.5 hmun pawh a tel a. Hemi atan hian Central Sawrkar-ah pawh project proposal thehluh tawh a ni a, a beiseiawm hle nghe nghe a ni.
Dan bawhchhiat a nih dan hi —huan/lo hal hmain V/C te hriattir hmasak a ni lo; meilam sial a zau tawk lo; fimkhur lo takin lo/huan an hal, thuneitute an tawiawm tha lo, tih a ni.
India ram state zinga forest area hloh chak ber record chelh mek kan nih laia hetiang thil a thleng leh thin hi a pawi hle a. Tu te emaw kut hleiin ram an lo tihkan loh nana a veng tur duty te kan indah laia, lo haltute berin fimkhur lo taka ram tikang zawnga lo an lo hal ve leh zel hi chu a chhangchhiatthlak takzet a, a manganthlak hle a ni. Vawikhat dan zawm loh avanga thil pawi thleng hi a siamthat lehna turin kum sawmli sawmnga a ngai leh dawn a ni. Chumi chhung chuan tawrhna tam tak a thleng dawn tih a lang nghal bawk.
Mizoram hi a ram len zawng nena khaikhinin forest coverage nei tha ber kan ni a; forest coverage hi 84.53% a ni. Hetih lai hian, kum tin lo hal zawnga eizawnna bansan thei lo kan nih avang hian, thingtlang lo neih avangin kan forest area-te hi a kiam duai duai kum tin a, chutih laiin lo hal avangin ram a lo kang ve deuh reng bawk a. Loneitute lo hal dan a dik tawk loh avangin FIR thehluh te a ngai ta hial a; thingtlang lo neih hi a changkang lo hle tih a lang. Ramngaw hal kang dur dur zawnga eizawnna bansan thei lova kan awm chhanah hian sawrkar hian mawhphurhna sâng tak a nei. ‘Loneituten hetia ramngaw thiat zawnga eizawnna an kalpui reng chuan kan ram hi nakin lawkah thlalerah a la chang thuai dawn a, he an eizawnna thlakna tur ngaihtuah hi Top Priority-ah kan dah a ngai’ ti thei sawrkar hi Mizoram hian a mamawh takzet tawh a ni.
Ram kan chhan leh sawrkar…
![](https://theaizawlpost.org/wp-content/uploads/tap_logo-min-large.jpg)