Ram leh hnam tan mipate hi mawhphurtu kan ni – Rindika

Mipate chu chhungkaw mawhphurhna latu tur, ram leh hnam tana mawhphurtu tur kan ni tih MLA Lalrindika Ralte chuan a sawi.
Taitesena Group YMA Conference vawi 35-na chu Nilaini khan W. Bunghmunah neih a ni a, he hun hmanpuitu Hachhek bialtu MLA Lalrindika Ralte chuan ram leh hnam humhalh, tih hian chhungkua, nupui pasal fanaute leh khawtlang tana rinawm chu ram leh hnam humhalh hian a kengtel tih a sawi.
Mipa chu chhungkaw mawhphurhna latu tur an ni a. Ram leh hnam tana mawhphurtu tur an ni, tiin, “Pathianin mipate hi chhan neiin thahrui min pe a, hei hi kan chhungkua leh kan ram tan a ni. Nupui fanaute rikrapna tur a nilo. Zu leh ruihtheihthil dangah hlimna kan zawng tur a ni loa; mahni taksa tan pawha rinawmlo chuan hlawhtlinna hi kan phatsan tihna a ni,” a ti.
Chapona chuan a neitu a tichhe thin a. He khawvelah chapo pui tlak khawpa dinhmun tha enge awm tih inzawt tura chahin, “Mi aia kan dinhmun emaw kan thiamna a lo sang deuh a nih pawhin, chapopui tur niloin, midang tana malsawmna kan nihna tur a ni a, rawngbawlna tur a ni,” Lalrindika Ralte hian a ti.
Taitesena Group YMA-ah hian YMA branch 15 a awm a ni.