Mizoram leh Myanmar inkalpawhna lei pawimawh, Zokhawthar bula mi chu India sorkarin hun engemaw chen a khar ta – thla khat dawn a ni tawh.
Champhai district-a Zokhawthar hi |iau kam khua a ni a, |iau kam lehlam chu Khawmawi niin, Khawmawi hi Myanmar khaw hmasa ber a ni. Zokhawthar leh Khawmawi hi leiin a zawm a, chu lei chu Myanmar leh Mizoram inkalpawhna kawng pawimawh, sumdawnna kawng pawimawh a ni.
July ni 25 a\ang khan he lei hi an khar tawh a, insumdawn tawn theih a ni rih lo.
Zokhawthar VC president Lalmuanpuia chuan lei khar chhan hi chiang faka an hriat bik loh thu leh engtia rei nge an khar dawn tih pawh an hriat loh thu a sawi.
A sawi danin, July ni 25-ah lei an khar dawn tih thu an dawng a, custom department lam a\anga thu hi dawng an nih thu a sawi.
CBI-in an tlawh dawn vanga lei hi khar an ni tih chu a tira an hriat dan a ni a, CBI hian vawi khat chu an tlawh tawh nia an hriat thu VC president chuan a sawi a, an tlawh leh dawn em tih pawh an hriat loh thu leh, custom hotute an zawhin anni pawhin phai lama an hotute thu-a khar an nih thu bak sawi tur an nei lo nia a lan thu a sawi bawk.
Lei an khar hian mihring kal tlang chu an phal a, bungraw lakluh leh thawnchhuah an khap. Mihring chu zalen takin an inkalpawh a, Myanmar lam a\anga Zokhawthar-a sikul kalte pawh tluang takin an kal thei.
Zokhawthar leh Khawmawi hi ramri-a insumdawn tawnnaa eizawng, sumdawng khua ve ve an ni a, insumdawn tawn theih lohva lei khar a ni hian a nghawng hle tih thu dawn a ni.
Khawchhak lam bungruate Khawmawi-ah a thleng a, chuta \ang chuan Zokhawthar-ah lak phei \hin a ni. Chu chu chhungkaw engemaw zatin eizawn nan an hmang a, tunah chuan an chawl \huap mai tih thu dawn a ni. Lui kanin a rukin bungrua hi a thiar theih rih lohvah ngaih a ni a, tui tam lai, lui len lai a nih avangin \hal lai angin han dai kai mai a har tih thu dawn a ni.
Zokhawthar VC president chuan lei khar hian chhungkaw engemaw zat eizawnna a nghawng thu a sawi a, “Hna a tlem ta a, kan khaw sum hnar a buai a ni mai a,” a ti. Khawmawi lam pawh a nghawng ve tho thu a sawi.
Mizoram hmun dang pawh a nghawng ang tih a sawi a, khawchhak lam bungrua a tlem ang a, a awm chhun pawh a man a pung ang tih a sawi. Chuvangin Mizoram hi kawng hrang hrangin a nghawng ang tih a rinawm thu a sawi.
Ram pahnih inkalpawhna lei khar rei ta
