Real Madrid midfielder Toni Kroos chuan international football a chawlhsan tawhna atanga inlamletin Germany ram tana inkhelh leh a tum.
Euro 2020 last-16 inkhel pakhata mualneitu England laka an tlawm hnu khan Kroos hi ram tan a inkhel leh ta lo vang vang a, kumina an ramin Euro 2024 a thlen turah hian Germany tana khel tura thlan theih turin international football a chawlhsan tawh atangin a kirleh thu a puang ta a ni.
Kum 34 mi Kroos hi 2014 World Cup champion Germany team-ah khan telin, Die Mannschaft tan match 106 a khel tling tawh.
July 2021 khan Kroos hian international football a chawlhsan a, Germany coach Julian Nagelsmann nena an inbiak hnuah an ramin tournament lian a thlen huna player naupang zawk kilkawi turin a thutlukna lo siam tawh a thiat ta a ni.
Kroos hian Instagram post siamin, “March thla atangin Germany tan ka khel leh dawn a, a chhan min zawt maw? Coach min sawm vang a ni a, sawmna chhangin ka penchhuak a ni,” a ti.
A club career-ah Kroos hian Bundesliga leh La Liga title pathum ve ve la tawhin, Champions League winners’ medal vawinga a awrh tawh bawk.
World Cup trophy bakah 2010 tournament-a pathumna leh Euro 2012 semi-final lut Germany team-ah a tel bawk.
Kroos hi thla thara France leh Netherlands infiampui tur Nagelsmann squad-a thlan theih turin a awm ta a ni.
Germany hian June ni 14 khian Allianz Arena-a Euro 2024 opening match-ah Scotland an hmachhawn dawn a ni.
Ram tana khel leh tur Kroos
