Thawhtan ni khan MBOCWWB 8th Inter Village / Local Council Football Tournament 2026 quarter-final khelh tan a ni a. Ramhlun South leh Sihphir Venghlun ten hnehna changin semi-final an lut.
Quarter-final hmasa berah inelna neih meka khel tha tluang tak Sihphir Venghlun Local Council team chuan football thiam khua Lengpui VC team an hmachhawn a, 2-0 in hnehna an chang.
Sihphir Venghlun leh Lengpui te hi an inhnehtawk hle a, goal pawh a lut har hle. Inkhel hmuhnawm takah hian Sihphir Venghlun tan Malsawmtluanga Pautu chuan minute 67-naah hmahruaina goal a thun. Lengpuiin an si phurh sut tumin tan an khawh nasa viau naa hun pek belhah goal an chhuah nawn leh. Sihphir Venghlun tan PC Lalruatsanga chuan minute 90+5-ah an goal hnihna a thun a. Lengpui lakah 2-0 a chakin semi-final an lut.
Thawhtanni a inkhel hnuhnung zawkah phur leh thawm nei na tak Ramhlun South chuan Chawnpui Local Council team chu Lalawmpuia hattrick hmangin an hneh a, semi-final an inhlangkai ve bawk.
Chawnpui lakah goal thuna lungthu kim Lalawmpuia hi ‘Player of the match’ ah thlan a ni.
Ramhlun South in Semi-final an lut
