India leh Myanmar inkar ramri hung tumnaah Union Home minister sawi hmangin Mizote duhdan a hlawhtlin a beisei tih chief minister Lalduhoma chuan a sawi a. Zoram Medical College tana sum pek tur chu MP inthlan puan hmaa tihfel hman tum a ni.Inrinni khan Delhi-ah Union Home minister Amit Shah a hmu a. Indo-Myanmar ramri hung tumnaah Manipur lam an hung a nih pawhin Mizoram lam hung a duh lo tih a thlen nawn. Home minister chhanna atangin beiseina sang tak a awm tih a sawi a ni.
Raltlan chungchang an sawi dun a, Amit Shah hian a ngaihtuahpui zel tur thu a lo hrilh.
Union Minister of Health & Family Welfare Dr Mansukh Mandaviya a hmuhnaah ZMC chungchang a sawipui a. ZMC final inspection a hnai tawh a, a hma atang tawhin tehnaah a tling hleithei thin lo a, Mizoram chu ram kilkhawr leh mihring tlemna a nih avanga a endik danah ngaihnathiamna thenkhat pek a dil chu a lo remti a ni.
ZMC tan special package chungchang an sawi dun a. Lok Sabha inthlan model code of conduct puan hmaa pek chhuah hman tum a ni.
ZMC tan hian Union Health minister hian thutkhawm a ko thuai dawn a, Mizoram sawrkar aiawha kal tur pawh ruatfel nghal a ni.
Ramri hungah beisei la nei Inthlan puan hmain ZMC sum
