Mizoram Presbyterian Kohhran chuan August 31 khan Ramthar Ni an hmang a. Synod hnuaia department hrang hrangte an chawl a, mamawhtute tan Synod Hospital Casualty erawh dawr theiha hawn a ni.
Ramthar Ni hi Mizorama Presbyterian Kohhran dintu Rev. David Evan Jones (Zosaphluia) Mizorama rawngbawl tura a lo thlen ni a ni a; Mizoram Presbyterian Kohhran tan ni pawimawh bik a ni. Kum 1972 Mizoram Synod Inkhawmpui chuan Synod Ramthar Board-in ‘August 31, Pu Zosaphluia Mizorama a lo thlen ni hi Synod Ramthar Ni atan hman nise,’ tia a rawtna chu pawmin kum 1973 atang khan August 31 hi Ramthar Ni atan hman tan a ni.
Mizoram Presbyterian Kohhran chuan kumin Ramthar Ni pual hian tum khat inkhawm atan programme a siam a, thupui inang tlang “Hnam tin ami zirtirah te siam ula” tih zir ho a ni.
Ramthar Ni hmang
