Land Rover chuan an luxury SUV 2024 Range Rover Velar facelift chu India-ah an tlangzarh a, showroom-ah Rs 93,00,000 man a ni a, booking an hawng tawh. Velar hi a styling an tidanglam hret a, petrol leh diesel engine-ah model chi khat ve ve chauh an tlangzarh bawk.
A styling-ah chuan Velar hi a hmalam an tidanglam a, ‘Pixel LED’ headlights nei tharin, a grille leh bumper an tidanglam deuh bawk. Hei bakah hian alloy wheels thar an vuah tel bawk. A hnunglamah chuan danglamna lian tham a awm lo va, a awm chhun chu LED guide lamps a tail-light a an dah thar chu a ni deuh mai.
A chhungah Velar hi a dashboard design an tidanglam nual a, 11.4-inch Pivi Pro touchscreen neiin, four zone climate control, 360 degree camera, powered front seat leh heating & ventilation function, powered tailgate, Medidian sound system, Terrain Response 2 off-road mode leh air suspension te a nei thar bawk.
A mechanical-ah chuan Velar hi 2.0-litre petrol engine, 246 bhp leh 356 Nm torque pechhuak thei leh 2.0-litre Ingenium diesel engine, 201 bhp leh 420 Nm torque pechhuak thei a awm a, 8-speed automatic gearbox a nei bawk.
Range Rover Velar facelift India-ah tlangzarh
