Trinamool Congress leader Derek O’Brien chuan INDIA Alliance West Bengal bika an inrem hleih theih lohna chhan ber chu West Bengal Congress chief Adhir Ranjan Chowdhury vang a ni a ti.
A hma lawkin West Bengal Chief Minister leh Trinamool hruaitu Mamata Banerjee chuan an party chuan Lok Sabha inthlanah West Bengal-ah party malin an chuh dawn tiin a sawi a.
Adhir Ranjan Chouwdhury chu West Bengal a INDIA alliance thawhho theihna chhanah puhin O’Brien chuan Indian National Developmental Inclusive Alliance (INDIA) chuan tibuaitu pahnih a nei- BJP leh Adhir Ranjan Chowdhury te an ni tiin a sawi.
“Inthlan zawhah Congress-in a tihtur a tiha BJP te a hneh a nih chuan Trinamool Congress te chuan Constitution humhim duhna avangin INDIA Alliance a thlawp em em ang” tiin O’Brien chuan a sawi zui bawk.
Hetihlai hian Congress leader Jairam Ramesh chuan an pary chuan Trinamool Congress te nena seat-sharing chungchanga ngaihdan inang lo an neih chu an chinfel theih a beisei thu a sawi thung.
Ramesh chuan Congress te chuan Banerjee tel lovin INDIA bloc kalpui theihah a ngai lo, BJP te beihnaah Mamata Banerjee tel lova kal theih loh tluk a ni tiin a sawi bawk a.
“Kan vaiin ‘Bharat Jodo Nyay Yatra’ ah pawh Mamata Banerjee tel se kan duh bawk a, kan motto chu common a ni a. Bengal leh India a BJP te hnenah kan duh chuan Mamata Banerjee chu mamawh ngawih ngawih a ni. Kan leader Sonia Gandhi, Rahul Gandhi leh Mallikarjun Kharge te chuan Mamata an zah lutuk” tiin a sawi a.
“Tun dinhmunah chuan seat-sharing chungchang sawi ka duh rih lo. He harsatna hi kan paltlang ngei ang a, solution kan nei thei em em ang” tiin a sawi bawk.
Ranjan Chowdhury dem, INC ten inrem theih beisei
