RBI Governor in chawimawina dawng
US-a Global Finance magazine chuan Reserve Bank of India Governor ni lai Shaktikanta Das chu central banker zingah khawvel puma titha zingah a dah a, a kum zawna he lawmman a dawnna a ni.
RBI chuan an thuchhuahah, ‘Governor Shaktikanta Das chuan Central Bank Report Card 2024 a A+ grade chawimawina dawngin, a kum zawna a dawnna a ni a, vawiin khan Washington DC, USA-ah Global Finance in lawmpuina a hlan,’ tiin inrinni tlai khan thuchhuah an siam.
Global Finance hian grade A atanga F thlengin scale hrang hrang pe in, khawvel ram hrang hrangte dinhmun an siam a, an zirchianna leh hmuhchhuah hmangin he category hi an siamchhuak a ni.
Das hi central bank governor pathum zingah a chung bera dah niin, A+ category-a a hnuaia awmte chu – Denmark mi, Christian Kettel Thomsen leh Switzerland mi Thomas Jordan te an ni.
RBI Governor in chawimawina dawng
