RD hnuaia hnathawh endik
Ministry of Rural Development hnuaia National Level Monitoring chuan October 18 khan Saitual district-a rural development hnuaia hmalakna an endik.
National Level Monitoring member Shailesh Kumar leh Anil Sharma te an lo lawm tih Saitual district bawrhsap Dr Lalngura Tlau chuan a sawi a. Saitual an awm chhunga an tlawh tur khuate an rel. Anil Sharma chuan National Level Monitoring (NLM) chu Ministry of RD-in scheme hrang hrang hnuaia hnathawh mek endik turin a rawn tir tih a sawi a, sawrkar chuan mipuiin hamthatna an dawn theihnana theihtawp chhuahin NLM hi din a ni tih a sawi.
NLM hian Saitual district an awm chhungin khaw hrang hrang – Phullen, Thanglailung, Luangpawn, Ngopa, Hliappui, Pawlrang, Buhban, Dilkhan, Lungpher leh Sihfa an tlawh dawn a. RD hnuaia scheme – MGNREGA, DAY-NRLM, NSAP, PMAY-G, DDU-GKY, SAGY, PMGSY, PMKSY, SVAMITVA, DILRMP, RSETI leh Panchayat basic verification chu district-a kalpui a nih dan an endik dawn a ni.
RD hnuaia hnathawh endik
