Summer 2024 kha record china khawvel lum ber tum niin Copernicus Climate Change Service te chuan an sawi a.
Chu mai bakah Europe pumah khawlum ber tum niin 1991-2020 long term average chung lamah 1.540C niin kum 2022 a record siam a khum bawk.
UK-ah thung chuan kum 2015 hnua a summer vawh ber tum a ni chungin Europe hmun dangah chan average summer aiin a lum zawk thung.
Kumin bikah hian global average temperature chu 1991-2020 average aiin 0.70C in a lum zawk a, chu chu record china a san ber tum a ni mek bawk a.
A lan danah chuan kum 2024 kum chu khawvel pum hisapin record china khawlum ber tum a ni ngei dawn tiin Copernicus, EU’s climate service te chuan an tarlang bawk a. Nikum kha record awm china a san ber tum niin a khum ngei hmel a ni.
Khawvel pumah hmun hrang hrangah heatwaves leh extreme weather a thleng chamchi bawk a, chu chuan nghawng na tak tak a nei bawk.
Copernicus deputy director Samantha Burgess chuan, “Temeprature kaihnnawiha extreme events te chu kumin summer-ah kum dang zawng aiin a nasa a ni,” tiin a sawi.
Europe hmun hrang hrangah summer laiin temperature record khum a ni chamchi bawk a, Austria pawhin record china a summer lum ber a tawng a.
Spain pawhin record china August lum ber tawngin Finland pawhin a lum ber tum leh Switzerland-in a lum ber dawttu a tawng bawk.
Europe khawlum chu a bik takin southern leh eastern areas-ah a nasa zual a, chutih laiin Republic of Ireland, UK, Portufal khawthlang lam, Iceland leh southern Norway ah te chuan kum dang aiin a vawt thung.
Global temperature san chhan ber chu human activity vang niin kum 2023 kalta khawlum lutuk leh kum 2024 thlenga la lum zel chu natural climate pattern El Nino in a thlen nia ngaih a ni a.
El Nino chu eastern pacific khawchhak lama sea surface temperature lumin a siam niin June 2023 atanga May 2024 kha awh anga ngaih a ni.
El Nino thlen lai chuan sea surface temperature sang zawk chuan atmosphere ah khawlum nasa zawk a thlen thin a ni.
Tunah erawh El Nino chu a tawp tawh rih a, chuvang chuan a pumpuia lakin global temperature pawh tihniam zel tura ngaih niin Australian Bureau of Meteorology scientist te chuan Pacific chuan khawvawt zawk La Nina phase a tawng dawn tiin an sawi.
Record awm chinah Summer 2024 temperature a la lum ber
