Kum 43-a upa ni tawh chunga Open Era kal meka grand slam men’s doubles champion upa ber leh men’s doubles ranking thara world number one ni thei upa ber ni bawk Rohan Bopanna lawmpuitu zinga langsar ber pawl legendary cricketer Sachin Tendulka chuan Australian Open khelh zawh tak behchhana Bopana hlawhtlin vuakvetah beidawngte tana beiseina tling tur tawngkam a chhakchhuak a, “Engtik hunah pawh, khawi hmunah pawh i hun a herchhuak thei,” tiin mihring kum chhiara uaithla lam tak ni tawh chunga Bopana hlawhtlinna sualchhuah chu midangte chawhphurna hmanrua atan a lekchhuak.
Tarlan tawh thin angin, Melbourne Park-a final an khelh hma ni thum kalta mai khan Bopanna chuan kum 1968 atanga intan Open Era an tih hnua men’n doubles world number one ni thei upa ber record thar a siam a; a Australian partner Matthew Ebden nen inkawpin Inrinni khan 7-6(0), 7-5-a Italian pair Simone Bolelli leh Andrea Vavassori hnehin Australian Open men’s doubles trophy a chawi zui leh a, chu pawh chuan Indian star tan major men’s doubles la thei upa ber nihna record thar chhawpchhuahsak lehin, Indian tennis ace lawmpuitu langsar zingah cricketer hlui VVS Laxman leh India opener ni thin Virender Sehwag pawh an tel.
Politician zingah Prime Minister Narendra Modi, Congress president Mallikarjun Kharge leh Union Sports Minister Anurag Thakur-te pawhin social media lamah tennis star Rohan Bopanna lawmpuina leh an chhuan thu an tarchhuak ve bawk.
2024 Australian Open men’s doubles title latu pakhat zawk Bopanna khan men’s doubles Grand Slam event tum 61 a hmachhawn hnuah Australian Open kaltlangin hlawhtlinna a chang ta nge nge a; grand slam tournament tum 61 chhung khan kawppui hrang hrang 19 a nei tling hman a, a tawpah Austra-lian pa nen inkawp fuhin tar-a-lamah recorld pahnih a siam der mai a nih hi!
Bopana chuan tuntuma a hlawh-tlinna kha a career-a tha ber tiin a sawichhuak a, a hringnuna tennis tha ber a khel chhuk thei bawk niin a sawi.
Bopanna hma chiaha men’s doubles Grand Slam title la thei upa ber American Rajeev Ram khan kum 58 mi niin record a lo siam tawh a, kum 43 leh ni 329 chiaha upa ni chung-in mip zinga Grand Slam doubles title hawn thei upa ber nihna a chang.
Vawiina tarchhuah tennis ranking tharah Bopanna hian men’s doubles world number one upa ber nihna a chang zui tih tarlan a ni tawh a; he mi hma pawh hian record-in alo bawm tawh thin a, Australian Ebden nen inkawpin nikum kumtir lam khan Masters champion upa ber tih te, Grand Slam finalist upa ber tih leh mipa tennis kum tawp kharna ATP Finals-a match hnehna chang thei upa ber nihnate pawh a lo khum tawh bawk a ni.
Australian Open men’s doubles tour-nament tum 17 a khelhnaa hlawhtlinna a chanpui Ebden chuan Bopana fakin, “A rilru a dahnaupang tlat a, indomi a ni a, champion a ni bawk,” tiin chawi-mawina thu a chhakchhuak.
Bopanna leh Ebden hian Mel-bourne Park-a an champion manah lawmman atan trophy bakah prize money atan Australian dollar 730,000 (£377,700) an insem.
Record hual vel kara leng Bopanna
