Union Railway minister Ashwini Vaishnaw chu Lengpui Airport-ah rawn tumin chief minister Lalduhoma leh a tawiawmtu minister – Vanlalhlana leh Dr Vanlalthlana bakah Lok Sabha MP Richard Vanlalhmangaiha leh Rajya Sabha MP K Vanlalvena, IPR&PS secretary Betsy Zothanpari Sailo ten an lo dawngsawng.
Sairang Railway Station tlawh nghalin rel hi Pathianni atangin bungrua (goods) a rawn phur tan dawn tih a sawi. Rel kawng hawn a ni chu Mizoram tan mel lung pawimawh tak a ni, tiin, Look East Policy tih hlawhtlinna pawimawh tak a ni tih a sawi a. Srinagar atanga Delhi-ah an apple thar chhuah tha tak tak thawn chhuahna atan rel an hmang angin, rel hmang hian Mizoram chuan an thlai leh thei neih tha tak tak, Dragon fruit leh state dangin an neih ve loh chu an thawn chhuak thei tawh dawn tih a sawi a ni.
Rel kawng siamnan hian hun leh tha tam tak sen a ni tih Ashwini Vaishnaw hian sawiin, “He rel kawng a luh theihnan hian lei verh dan chi thar hmuhchhuah phah a ni,” a ti.
Union minister hian Sairang atangin Bairabi thleng rel a chuang a. Sairang to Bairabi railway bakah hian Rajdhani Express Aizawl (Sairang) – Delhi (Anand Vihar Terminal) inkar, Aizawl (Sairang) – Guwahati Express leh Aizawl (Sairang) – Kolkata Express chu vawiin – September 13 hian Prime minister-in a vailiam dawn a ni.
Rel-in bungrua phur lut nghal dawn
