Tun hmaa ILP kan lo kalpui dan ang mai maia ILP hi kalpui a nih chuan hnam inchimralna kan hlat dawn lo, tiin Mizoram Merchant Association (MIMA) chuan ILP uluk leh felfai taka kal pui turin home minister an ngen tih an thuchhuahah an tarlang a.
Relin tun hnaiah Sairang a rawn luh theih dawn tak avangin MIMA hian fimkhur turin thuneitute an hriattir nawn leh a ni ber a; fimkhur tluk a awm lo ve.
Nikum May thla laihawl vel khan MZP huaihawtin ‘Rel kawng leh Inchimralna’ tih thupui hmangin talk show neih a lo ni tawh a. Kha talk show kha - Rêl lo lut hi engtin nge kan lo hmachhawn ang? Eng tianga lo dawnsawn tur nge? Sawrkar leh mipuite kan inpeih em? Heng hmasawnna hi kan Thatpui ang nge kan chhiatpui ang? Eng tin nge Mizote kan lo inbuatsaih ang? tia inrawnkhawmna a ni deuh ber.
Rel hi kan lo huphurh hle niin a lang. ‘Ram laili lamah rel a lo luh thuk theih chuan, tunhma aiin hnamdang lo lut pawh an tam zual ang a, sumdawnna leh eizawnna thilah leh, a ram leilung hrim hrim pawh, Mizoram mipui hi min luahlan mai ang’ tih hi kan hlau ni berin a lang.
Heti taka kan lo vei lawk a, inchimral kan hlau viau a nih chuan, min chimral lovang, tiin i han sawi phawt teh ang.
Hlauh lawk nachang hre lo, hnamdangin an chim nasat avanga a ram leilung fate zawk bet tlawk tlawk an awm a, kan Thenawm lawkah example hmuh tur an awm. Example kan lo nei Tha hi a lawmawm hle, i ti mai teh ang u. Keini chuan inrinna hun kan nei a, inrin nachang kan hria a, rel lo luh hma daih aTang tawhin pawl zawng zawng, party zawng zawng, bakah prominent citizen leh mithiam bik, tawnhriat lo nei Tha tawhte, mi tam takin kan sawiho luih luih tawh. Heti chunga hnamdang hian min chimral thei a nih phawt chuan, Mizote hi kan nep hle tihna a ni mai.
Chuvangin, |anrualnain thil a tih theihzia hretu vek kan ni bawk a, ‘Tanrualna’ hi chimral lohna tura ‘Awmphaw’ atan i hmang mai ila, a tam zawk hi eng vangin nge mikhualin min rawn chimral ngawt ang?
Thil pakhat lek: Thlawhnaa zin veivakte pawh, thlawhna aTanga an chhuahin an vak darh nghal sung sung thei lo, luhkhawmna bik (Arrival) an nei a, uniform haten an veng Thup. Hetiang bawk hian rel station-ah pawh tih ve ngei ngei tur.
