Relief Camp sakna sum dawng ta

Hlimen leimin tuartu, mahni in chhuahsante awmna relief camp sakna sum sorkarin a pe tawh a, July ni 4 khan Hlimen khawtlang hruaitute’n an dawng.
Ningani khan Aizawl DC-in relief camp hi a tlawh a, Hlimen khawtlang hruaitute hnenah in pakhat sakna atana senso Rs 1268655 a hlan a ni.
Local Council leh YMA kaihhruaiin Hlimen khawtlangin relief camp hi an sa a, in pahnih sa tawhin, in pakhatah hian chhungkaw 10 ve ve an cheng; in hi chhungkaw hrang hrang chenna tura then hran a ni.
Relief camp hi a bain an sa a, an sak hmasak zawk atana an senso chu sorkarin a pe ta a ni. YMA hruaitute chuan in pakhat zawk hi cheng nuai 9.5 vel senga sak a nih thu leh, heta an senso pawh hi hmuh thuai an beisei thu an sawi.
Sorkar atanga camp sakna senso an hmuh mai loh avangin camp hi sak chhunzawm zel tur a ni em tih thu-ah thu an titlu thei lo a, mahse DC hian lo sak belh tura a tih avangin kar leh lamah chhunzawm an tum thu YMA hruaitute chuan an sawi. Chhungkaw 21, member 74 awmna tur sak a la ngai a, sorkar atanga senso hmuh a beiseiawm thu an sawi.