May ni 27 khan Mizoramah ruah nasa tak a sur a, a tam a ni mai lo, a rei, chhum lo chat lovin ruah hi nasa takin a sur tia sawi theih khawp a ni. Mithiamte chuan he ruah hi Remal cyclone ken a nih thu an sawi.
May ni 27-a ruah sur kha a tam a ni mai lo a, a mak tih tham a ni! State Meteorological Centre-in an chhinchhiah danin, khami ni khan ruah tui mm 205 a tla a, Mizoramah ni khata a tlak tam ber Tum a nih loh pawhin, heti zat a tlak hi chu a awm zeuh chauh ang.
May-ah khan ni 25 thlengin mm 198.8 a tla a, hei pawh hi May thlaa tlaah chuan a tam tia sawi tham a ni. Nikum May-ah khan mm 102.8 a tla a, chumi nena khaikhin chuan ni 25 thlenga kumin May thlaa ruah tui tla zat kha a tam. Mahse May ni 1 aTanga ni 25 thlenga tla zat aia tam ni 27-ah a tla!
May thla hi ruah sur thla, thlipui thawh hun a ni a, chu chu ziak leh chhiar thiam lo chungin pi leh pute’n an lo hre tawh. Tunlai thlengin thlipui hi a la tleh a, a hming hi an phuah chawp Thin a ni chauh.
May thla hi Mizo Tawng chuan |omir thla a ni a, Tomir thla hi thlipui thawh hun a ni. Bay of Bengal chungah thlipui a insiam a, pi leh pute khan Bay of Bengal an hre lo a ni thei, mahse |omir thlaah thli a tleh Thin tih an hria.
Bay of Bengal chu Zofate luah chin ram chhim lamah a awm tih an hre lo a ni thei a, mahse A AW B nei lo chungin thli hawi lam pawh an hre thei; chhim lam aTangin thli na tak a rawn thawk Thin tih an hria a, “chhim thlipui” tih Tawngkam te pawh a awm reng hi.
State Meteorological Centre enkawltute chuan Mizorama thlipui na deuh hi chhim lam aTanga hmar lam hawia tleh a ni tlangpui a, nih chu a ni vek lo tih an sawi.
Mizoramin thlipui a tawn Thin hi Mizoram chhim lam Bay of Bengal tuipui chung vela insiam, chuta Tanga Mizoram lam pana thaw Thin a ni tih an sawi a, mahse Mizoram hela a kal chang, chuta Tanga hmar lam emaw khawthlang lam emaw aTanga Mizoram lam a rawn pan leh chang a awm tih an an sawi bawk. Nikum hmasa October vela thlipui tleh, Mamit district vel nuaitu pawh kha Bay of Bengal vela insiam ni tho mah se, Tripura lam hawiin a kal a, chuta Tanga Mizoram khawthlang lam hawia tleh leh a ni an ti.
Bay of Bengal, Indian Ocean leh Arabian Sea vela thli insiam dawng Thin ram hrang hrangte’n cyclone hming tur hi 13 Theuh an thawhkhawm a, chu chu a indawtin a hming atan an hmang Thin. Ram hrang hrangte thawh kha a indawtin an hmang a, a thawhtu pawh a indawtin an kal. Tun Tuma tleh hi “Remal” an ti a, Oman ram phuah niin, Arabic Tawng, vaivut tihna a ni. Nikum khan clyclone hming kha Mocha a ni a, Yemen ram phuah a ni.
India ramah chuan cyclone tleh hun hi pahnihin an Then a, pre-monsoon (March-June) leh post-monsoon (October leh November) te a ni.
Mizorama thlipui tleh Thin hi Bay of Bengal chung zawna insiam a ni tlangpui a, Remal pawh hi a ni. Remal hi Bangladesh leh West Bengal vela na turin an chhut a, Mizoram chu a siper dawng turin an chhut. A thlipui tak tak (main course) hi Thawhlehni tlai lama tawp tura chhut a ni a, chumi hnuah chuan a siper chu la awm tura ngaih a ni.
Tuipui chunga insiam thlipui hian ruah a keng a, chu chu May ni 27 leh ni 28-a Mizorama sur kha a ni.
State Meteorological Centre-in an chhinchhiah danin, May ni 27 khan thlipui hi a nat ber laiin darkar khata km 61 thleng thei khawpa chak a ni a, Remal thlipui hi a natna hmunah chuan km 100 chuang, km 120 chuang te a ni.
Remal thlipui vangin ruah sur nasa Pi leh pute hun atanga thlipui thawh hun
