Mizoram General Administration Department (GAD) bultumin Association for Voluntary Blood Donation (AVBD) Mizoram leh Central YMA-te thawkho chuan June 30-a Remna Ni pualin June thla chhung zawngin thisen pek runpui an huaihawt mek a. June 1 khan chief minister Zoramthanga’n a hawng a ni.
Hemi kal zelah hian GAD, AVBD leh Civil Hospital Aizawl Blood Bank chuan Ningani khan Secretariat (MINECO) tualah blood donation van pahnih hmangin blood donation camp an buatsaih a. Mi 29-in thisen mamawhtute nunna chhanna atan an thisen an pe a ni.
Kumin Remna Ni puala thisen pek runpuiah hian thisen pe turin AVBD chuan Mizoram mipui a sawm a. Mizorama blood bank zawng zawngah Remna Ni pual hian thisen pek theih a ni, tiin, remna hlutzia hria a, mite nunna chhanna’n leh midangte tana malsawmna ni tura thisen pe zel turin mitin an sawm tih an sawi a ni.
Remna Ni pualin thisen pe
